Personal naman nga ginbisitahan ni Bacolod City Lone District Congressman Greg Gasataya ang mga biktima sang sunog nga nagluntad sa Purok King Fisher A, Barangay 16, Bacolod City sang kahapon sang kaagahon agud nga makahatag sang ayuda.
Sa interview sang Bombo Radyo Bacolod kay Congressman Gasataya, gilayon nga nagfacilitate ang opisina sini sa mahimo nga mabulig sa mga biktima sang sunog kaangay sang gilayon nga magamit kag makaon.
Suno kay Gasataya, gilayon man nga ginpaproseso ang dokyumento nga kinahanglanon agud nga mahatag naman sang opisina sini ang financial assistance sa mga biktima.
Ang mga biktima ang makabaton sang P10, 000 para sa totally damaged, P5000 sa partially damaged kag P3000 sa mga nagarenta.
Suno diri, ang nasambit nga financial assistance ang lain sa igahatag sang ciudad.
Nagpasalig naman ang kongresista nga indi magbaya ang opisina sini sa paghatag sang bulig sa mga biktima kag ang ciudad ang wala man ginapabay-an ang mga nasunugan.
Ginalantaw nga ang inancial assistance ang mabaton sang mga nasunugan sa madason nga semana.
Nagpanugyan man ini nga masami nga maghalong agud nga malikawan ang pagluntad sa sunog.
