Pagatapuson na sang House Committee on Good Government and Public Accountability ang imbestigasyon sini sa paggamit sang confidential funds sang opisina ni Vice President Sara Duterte subong nga Lunes.
Suno kay Manila 3rd District Representative Joel Chua, ang pagtakop sang imbestigasyon ang magapahanugot sa Armed Forces of the Philippines nga magpatigayon sang imbestigasyon natuhoy sa mga alegasyon nga duha ka mga military officers ang nagbaton sang portions sang confidential funds nagikan sa mga opisina ni Duterte.
Suno kay Chua, agud makahatag sang pagpaathag diri kag makahatag sang ligwa sang imbestigasyon, pabay-an na lamang nila ang AFP nga magpatigayon sang ila kaugalingon nga imbestigasyon natuhoy diri.
Ginpahayag man sini nga ang desisyon nga tapuson ang inquiry ang bangud sa impeachment complaints nga ginfile batok sa bise-presidente.
Kun magprogress ang impeachment complaint, ang House Committee on Justice ang magatake-over sang imbestigasyon.
