Pabor si Bacolod City Lone District Congressman Alfredo “Albee” Benitez nga bag-uhon ang liderato sa House of Representatives bangod sa pagka-angot sa kurapsyon sa mga flood control projects.
Sa interview sa kongresista, indi maayo ang resulta sa imbestigasyon bangod kaangay nga nagagwa nga may ginacover-up ang Kamara.
Isa sa halimbawa sini ang pag-atubang pa ni Navotas Congressman Tobias “Toby” Tiangco sa Senado agud magpresentar sang nahibal-an nga nagapakita nga indi ini makasalig sa House inquiry.
Suno kay Congressman Albee, dapat nga matinluan ang House of Representative kag mabalik ang pagsalig sang pumuluyo.
Nahibaluan nga si Congressman Albee ang nagagwa nga pangalan nga ginalantaw iduso sa pagbulos kay House Speaker Martin Romualdez.
Suno sa kongresista, kun ano ang desisyon sang mayorya sa mga Congressman amo ang masunod.
Apang suno diri dapat nga makita sa magabulos nga House Speaker ang kredibilidad kag may-ara sang mapapanabat gikan sa mga imbulbado sa anomalya.
Mas maayo pagid suno diri kun mabawi sang gobyerno ang mga ginkawat lakip na ang mga assets nga nakuha sa sala nga pamaagi.
Aminado si Benitez nga halos tanan nga mga kongresista ang nakabatyag nga kawatan ang panulok sa ila sang mga tawo.
Gani dapat na nga matinluan ang higko ukon mabag-o ang public image.
