Ginkumpirmar ni suspended Negros Oriental Representative Arnolfo “Arnie” Teves Jr. nga anay body guard sini si Marvin Miranda, nga isa sa mga gina-alegar mastermind sa pagpatay kay Negros Oriental Governor Roel Degamo.
Apang paathag ni Teves, nga madugay na sang ulihi sini nga nakasugilanon si Miranda.
Suno sa kongresista, madugay na nga naghalin sa pagserbisyo bilang iya body guard si Miranda, gani wala niya naman ini nakasugilanon.
Madumduman nga sang Marso, ginbuyagyag ni Justice Secretary Jesus Crispin Remulla nga nadakpan sang mga operatiba sang National Bureau of Investigation (NBI) si Miranda matapos nga ini ang magtuyo nga magpalagyo gikan sa Negros Oriental.
Pahayag sang Justice Secretary nga nagagwa nga si Teves amo ang main mastermind sa likod sang assassination, kag ini ang iya nga ginpaanggid sa isa ka “executive producer” samtang si Miranda naman ang ginpaanggid sa “director ukon casting director.”
Gin-athag man ni Remulla nga si Miranda ang ginatumod sini sang iya ginpahayag nga ang suspetsado sa assassination ang nagvideo call sa mastermind.
Suno kay Teves, kun may-ara sang video ini ang dapat nga gipagwa na, samtang ginalantaw naman sini nga mahapos lamang magpanudlo.
Liwat man nga ginpanginwala ni Teves ang kaangtanan sa pagpatay kay Degamo.
Samtang nakahinun-anon naman ini sa iya nga utod nga si former Negros Oriental Governor Pryde Henry Teves pila ka semana ukon inadlaw lamang ang nakaligad.
Si Teves ang nagabalibad naman sa pagpauli sa Pilipinas bangod sa gina-alegar pagpanghangkat sa iya nga kabuhi, apang nagpahayag nga siya ang magapauli lamang kun maseguro nga siya ang hilway na.
Nagwangal man ini nga unfair ang paghandle ni Justice Secretary Boying Remulla sa mga alegasyon batok sa iya.
