Gin-athag ni Negros Occidental 5th District Representative Atty Dino Yulo nga pre-scheduled kag madasig lamang nga natapos ang ginpatigayon nga fellowship sang House of Representatives kaupod si President Ferdinand “Bongbong” Marcos Jr.
Sa interview sang Bombo Radyo Bacolod kay Yulo, kadam-an sa mga kongresista sa Negros Occidental nagtambong sa fellowship apang sila ang indi man ululupod.
Suno diri, madugay na nga natalana ang aktibidad kag petsa na lamang ang kulang.
Bangod Christmas season na, napinsaran nga maayo nga patigayunon na ang fellowship.
Malip-ot lamang ang opening ceremony, kag sila ang nagpatigayon na sang dinner kag gamay nga social gatherings.
Sa aktibidad, ang House leadership kag members ang nagpalab-ot sang ila pagsuporta sa Presidente.
Ang aktibidad ang naglawig lamang sang duha kag tunga tubtob tatlo ka oras.
Suno diri, apisar nga magkatuhay nga branch sang gobyerno, importante nga may-ara sang paghugpong.
Pasalig sini nga pure fellowship lamang ang natabo kag wala nadiskusyunan ang natuhoy sa impeachment complaint batok kay Vice President Sara Duterte.
Bilang abogado, siya ang wala naman naghatag sang dugang nga komento sa isyu bangod ini ang kalakip sa due process.
Apang paathag sini nga may anom ka session pa sa House of Representatives antes ang holiday break, kag sila ang magabalik sa Enero.
