Congressman Dino Yulo, ginarespeto ang pahayag ni Negros Oriental Governor Roel Degamo angot sa pagbalik sang NIR

Ginarespeto ni Negros Occidental 5th District Congressman Dino Yulo ang pahayag ni Negros Oriental Governor Roel Degamo angot sa pagbalik sang Negros Island Region.Sa interview sang Bombo Radyo Bacolod kay Yulo, isa siya sa mga co-author sang hagna nga nagaduso sang pagbalik sang NIR.

Suno kay Yulo, halos tanan nga mga kongresista sa Negros Occidental ang nagaisa agud nga mabalik ang NIR.

Suno diri, magahimo sang tikang ang mga mamalidha nga nagaduso sang pagbalik sang NIR nga maestorya si Negros Oriental Governor Degamo agud nga mahibaluan kun ano gid ang rason sang pagmalabag sini.

Positibo naman si Yulo nga mangin madinalag-on ang pagduso nila sang hagna para sa pagbalik sang NIR bangud wala man sang nakita nga upang agud matigayon ini.