Ginpahayag sang kongresista sa probinsya sang Negros Occidental nga importante sa karun ang mamanage sang Sugar Regulatory Administration ang mill gate price sang kalamay.
Suno kay Negros Occidental 5th District Representative Dino Yulo nga kinahanglan nga mapabilin ang profitability level sang mga sugar farmers.
Suno kay Yulo, ang mga small farmers ang subong palang ang makapagaling.
Suno diri ang sadto nga P3300 nga sako sang kalamay ang sa karun yara nalang sa 2800.
Suno sa kongresista, indi pa matumod nga ang pagsulod sang ginapahayag nga 260 containers sang gina-aligar nga smuggled nga kalamay ang rason sang pagnubo sang presyo sini.
Ginpahayag man ni Yulo nga dapat mahangpan nga ang kalamay ang isa ka political commodity kun sa diin ini ang nagakaapektuhan sang environment kag issue kasubong man sang pagkabalaka.
Suno diri mapakigbahin man ini sa tion nga may yara sang patigayunon nga congressional inquiry.
Suno diri, sa karun padayon pa ang compilation sang mga papeles angot sa gina-aligar ni Senator Risa Hontiveros nga sugar smuggling.
Suno kay Yulo, wala man sang debate nga kinahanglan mag-import bangud sa datos sang SRA sa subong nga milling season, 1.9 million metric tons ang projected production, ang local consumption ang yara sa 2.3 tubtob 2.4 million metric tons.
Bangud sini may yara sang shortage gani ang importante nga sa subong nga nagapagaling ang small planters nga mamanage nila ang presyo.
Suno pa diri, OK lang magimport bangud may yara sang kulang apang dapat indi man maapektuhan ang mill gate price sa kada semana tubtob sa katapusan sang milling.
