Congressman Jeffrey Ferrer, ginaduso ang pagpasaka sang millgate price sa kalamay sa nagakaigo nga lebel

Ginaduso ni Negros Occidental 4th District Representative Jeffrey Ferrer nga mapasaka ang millgate price sang kalamay sa nagakaigo nga lebel.

Suno kay Ferrer, ang manubo nga presyo sang kalamay ang nakaapekto sa madamo nga mga small sugar planters nga dekade na nga problema sa probinsya.

Paathag sini nga ang iya advocacy amo ang pagpasaka sang millgate prices sang kalamay sa insakto nga lebel nga mahimo mangin win-win solution para sa mga planters, negosyante kag konsumidor.

Dugang pa sini nga wala kuntani nagkaproblema sa sugar industry kun insakto ang presyo sang kalamay.

Pahayag sini nga dapat ipaathag sang Sugar Regulatory Administration (SRA) sa Negros Occidental ang papel sang importation kag exportation sa presyo sang kalamay.