Dako ang pagpasalamat ni Negros Occidental 3rd District Representative Jose Francisco “Kiko” Benitez sa appointment sini bilang bag-o nga Director General sang Technical Education and Skills Development Authority (TESDA).
Kahapon, opisyal nga gin-anunsyar sang Malacanang ang appoinment ni Benitez kag sa statement nga ginpaggwa sini, iya ginapasalamat ang pagsalig ni President Ferdinand “Bongbong” Marcos Jr. nga ginhatag sa iya.
Iya man ginpasalamatan ang nagkalain-lain nga education organizations kag ang mga colleagues sini sa EDCOM2 nga nagnominate sa iya sa position kasubong man nga nagpasalamat si Benitez kay House Speaker Ferdinand Martin Romualdez sa suporta nga nabaton.
Samtang, nagpasalig naman ini sa pumuluyo sang 3rd district sang iya padayon nga serbisyo.
Gindayaw man sini ang nangin trabaho ni former governor Suharto “Teng” Mangudadatu para sa TESDA.
Pahayag ni Benitez, madamo sang pagpanghangkat sa pagcatch-up sa digital transformation apang nagpasalig ini nga sa pagbinuligay, magasanyog ang industriya, gobyerno, akademya kag tech-voc institutions.
