Ginpahayag ni House appropriations panel vice chair at Batangas Rep. Leandro Leviste nga pila ka miyembro sang team ni Department of Public Works and Highways Secretary Vince Dizon ang mga contractors ukon may kaangtanan sa mga kontraktor nga imbolbado sa flood control anomaly.
Suno kay Leviste, nakuha sini ang impormasyon nagikan sa iban sini nga mga kaupdanan sa Kamara.
Suno sa iya, indi si Dizon mismo ang kontraktor kundi mga tinaw sini kag madamo sa Kongreso ang nakahibalo diri.
Ginhangkat sini si Dizon nga i-publicize ang connection sang iya team sa mga contractors ilabi na nga may ginapatigayon nga imbestigasyon sa mga iregularidad sa proyekto sang gobyerno.
Nagapati si Leviste nga may potential si Dizon nga magdala sang reporma sa DPWH kun mangin bukas ini sa nasambit nga issue.
