Ginkwestyon ni Davao City 1st District Representative Paolo “Pulong” Duterte ang posibilidad nga 10 ka boto lang ang kinahanglanon agud baliskaron ang nauna nga ruling nga nagatalana sang 16 ka boto para sa conviction ni Vice President Sara Duterte sa impeachment trial.
Ang isyu ang nahanungod sa voting threshold nga una na nga nagtuhaw pagkatapos nga ang 16-vote requirement ang ginkwestyon sa Senado, kasunod sang pag-absent sang pila ka mga senator-judges sa impeachment proceedings.
Samtang ginpanindugan naman sang kongresista nga ang mas manubo nga numero sang boto ang indi basta-basta magamit agud nga malampasan ang isa ka constitutional requirement.
Ginpahayag niya nga samtang ang napulo ka boto mahimo nga bastante para sa isa ka pamangkot sa pamaagi nga gintalana sang mga pagsulundan sang Senado ang wala nagakahulugan nga ang kinahanglanon sa konstitusyon mismo mahimo nga mabag-o paagi sa amo nga tikang.
Padayon nga ginatun-an sang Senate impeachment court ang bagay angot sa voting threshold para sa impeachment case sang Bise Presidente.
