Nagpanawagan si President Ferdinand R. Marcos Jr. sa Association of Southeast Asian Nations (ASEAN) nga mapasanyog ang connectivity kag resilience sa rehiyon paagi sa pagkomprontar sang iban pa nga mga komplikado nga mga pagpanghangkat sa palaabuton.
Sa iya speech sa 44th ASEAN Summit plenary, gin-emphasize ni President Marcos ang panginahanglanon para sa ASEAN member-nations nga magtrabaho hand-in-hand sa pagpasanyog sang digital economy sang rehiyon, food security, tourismo kag women empowerment kasubong man gender equality.
Gincite man sang Presidente ang importansya sang pagtrabaho nga ululupod agud mamitigate ang mga epekto sang climate change.
Sa bahin sang digital economy, ginpahayag sang Presidente nga dapat sila ang maglatag sang groundwork para sa isa ka safe kag masaligan nga digital environment nga makapropel sa ASEAN sa bag-o nga era sang innovation, growth kag opportunity.
Suno pa diri, dapat nga mag-invest sa robust cybersecurity protection, i-equip ang mga pumuluyo sang digital skills kag seguruhon ang digital infrastructure bangud natalana ang ASEAN Digital Economy Framework Agreement (DEFA) nga mapasanyog ang digital economy sang rehiyon sa 2 trillion dollars sa 2030.
