Nagtuga sang mabug-at nga lakat sang trapiko ang ginbaklas nga dalan sa intersection sang Bacolod-Negros Occidental Economic Highway agud butangan sang traffic light.
Sa interview sang Bombo Radyo Bacolod kay Engr. Leah Jamero, District Engineer sa
Department of Public Works and Highways (DPWH) – Bacolod, ang ginaconstruct sa dalan ang kabahin sang proyekto sang DPWH Region 6.
May yara sang ginaconstruct sa intersection sang Brgy Granada, Felisa kag Sum-ag kag Talisay City.
May yara sang inner lane nga ginaconstruct sa karun kun sa diin tig-isa na lang ka lane ang gina-agyan.
Nagtuga sang mabug-at nga trapiko ang ginaconstruct nga kapin sa 100 meters nga kalabaon nga portion sa dalan kun sa diin iban nga pasahero nagareklamo nga nagabyahe sila sang kapin sa isa ka oras kun maglabay sa BANOCEH.
Suno kay Jamero, gina-improve ang intersection agud mangin smooth ang lakat sang trapiko kag para sa safety sang mga motorista.
Target naman nga matapos ang trabaho sa Hulyo 15 samtang sa karun may yara sang traffic enforcers kag warning signs nga ginbutang sa area.
