Magapadayon sagihapon ang construction sang Bacolod City Old City Hall.
Sa interview sang Bombo Radyo Bacolod kay Bacolod City Legal Officer Atty. Romeo Carlos Ting Jr., magasige ang construction bangud wala man sang ginpagwa nga Temporary Restraining Order (TRO) ang korte.
Suno kay Ting, indi man mapauntat ang proyekto bangud lamang may yara sang nagfile sang reklamo.
Ginpahayag man sini nga bisan sin-o ang mahimo nga magfile sang kaso apang dapat may merito ang ginfile, kag kun may merito dapat nga magpa-issue sa korte sang TRO batok sa proyekto.
Panindugan sini nga may gina-uyatan nga titulo ang ciudad kun sa diin ini ang gin-issue pa sadtong 1930 ukon kapin 90 na katuig.
Suno kay Ting, may naghambal nga gindonate ang duta apang wala man ini sang makita nga papeles ukon deed of donation kun paano gindonar kag natransfer sa ciudad.
Suno sa Bacolod City Legal Officer ang proof of ownership sang ciudad amo ang ginauyatan nila nga titulo.
