Nangin daku nga perwesyo para sa mga motorista ang mahinay nga pagkay-o sa Mansilingan-Felisa Road sa bahin sang Purok Kasilingan 2, Barangay Mansilingan, Bacolod City.
Sa pagpadulong sang Bombo News team sa lugar, nakita nga pihak nga bahin nalang sang dalan ang sarang nga maagyan bangod nabungkal na ang kapihak nga lane.
Suno kay Efren Sayun, residente sa lugar, kapin isa ka semana pa lang nga ginbungkal ang highway kag naga-operate ang mga ini Lunes tubtob Sabado.
Suno diri, masobra na isa ka bulan sang ginsugudan ang pagbuho sa dalan apang ginbayaan lang ini matapos nga mabuhuan.
Samtang sang magbalik ang mga naga-operate sa dalan, sa lain naman nga bahin ang mga ini nagtandog.
Suno kay Sayun, nangin perwesyo na sa ila kasubong man sa mga motorista ang indi tayuyon nga pagkay-o sa alagyan bangod nagatuga ini sang traffic nga delikado man sa mga kabataan.
Dugang pa sini nga nagatuga man ini sang yab-ok kun mainit samtang nagalutak naman kun mag-ulan.
Pahayag sini nga kun kay-uhon ang dalan, dapat matuod-tuod nga pagkay-o indi nga pugtak-pugtak kag wala man lang makahuman.
Nahibaluan nga kapin tunga na sa kilometro ang nga bungkal nga dalan nga kabahin sang dalan Mansilingan-Felisa.
