Pilason ang 31 anyos nga construction worker matapos aksidente nga makabunggo sa nakapark nga truck nga may karga sang tubo ang ginamaneho sini nga motorsiklo sa Purok Talutog, Brgy Dulao, Bago City subong gid lamang nga gab-i.
Ang biktima ang ginkilala nga si Allen Servania, single, residente sang Brgy Abuanan, Bago City.
Sa interview sang Bombo Radyo Bacolod kay Jonathan Celis, tanod sang Barangay Dulao, bag-o lamang nagpark sa area ang truck, kag nagbutang man ini sang warning device apang madulom.
Suno diri, madasig ang dalagan sang motosiklo gani naglupot gid sa idalom sang truck ang biktima.
Suno sa tanod, gintsekyar pa sang truck driver Ang biktima, apang ini gilayon nga nagpalagyo.
Wala naman makilala ang driver sang truck nga may plate number nga GNJ868.
Pahayag naman sang manghod sini nga gikan trabaho ang iya magulang nga construction worker sa Brgy Alijis, Bacolod City.
Ginhingagaw naman dala sa ospital ang biktima agud madapatan sang nagakaigo nga pagbulong.
