Ginahanda na sang Department of Health – Negros Occidental ang contingency plan kag early rehabilitation budget para sa mga evacuees sang bulkan Kanlaon pananglitan matabo ang major eruption.
Suno kay Adrian Hort Ramos, pinuno sang DOH- Negros Occidental, ginagamit sa karun ang quick response fund sang opisina para magprocure sang mga kinahanglanon sang Local Government Units.
Suno diri, nagahatag man sila sang referral sa mga evacuess nga kinahanglan na gid irefer sa ospital.
Gamit man ang quick response fund, naghire sila sang 71 ka indibidwal nga ginalakipan sang nurse, midwife, kag engineers para sa water kag sanitation aspect.
Pahayag ni Ramos, nakapreparar na sila sang plano para sa budget proposal agud makapangayo sang additional quick repsonse fund para ibulig sa mga evacuees.
