Ginahulat sa karun sang pamunuan sang Commission on Elections – Negros Island Region ang nahuman nga contingency plan para sa 2025 midterm elections inkaso nga magsaka sa Alert Level 4 ang bulkan Kanlaon.
Ang contingency plan para sa 2025 midterm elections ingkaso nga magsaka sa Alert Level 4 ang bulkan Kanlaon ang gin-estoryahan sa ginpatigayon nga Regional Joint Security Control Center Coordinating Center meeting kahapon.
Ginpahayag ni COMELEC NIR Director Atty. Lionel Marco Castillano nga ang banwa sang Moises Padilla ang may yara na sang Memorandum of Agreement sa Local Government Unit sang Guihulngan City, Negros Occidental kag nahuman naman ang contingency plan ingkaso nga magsaka sa Alert Level 4 ang nasambit nga Bulkan.
Apang ang banwa na lamang sang La Castellana ang wala makahuman sang contingency plan nga nagaunod sang pag identify sang mangin voting center nga sayluhan ingkaso nga magsaka sa Alert Level 4 ang bulkan.
Suno kay Castillano, ang contingency plan ang kinahanglan pa ipasa sa national office sang COMELEC para sa approval.
Suno diri, sa RJSCC meeting. ginpahayag sang Election Officer sang La Castellana, nga luyag sang banwa nga iga-evacuate ang mga apektado sa duha ka mga barangay sa La Castellana apang suno naman sa Office of the Civil Defense indi masarangan sang duha ka mga barangay ang kadamuon sang mga igaevacuate.
Suno kay Castillano, kinahanglanon nila ang contingency plan bangud una sa tion nga magtransfer sang voting centers maayo lang kun may yara sang magamit nga classrooms kag wala sang gastos apang may mga lugar nga kinahanglan ang makeshift polling areas.
Bangud sini nagapanawagan si Castillano sa LGU sang La Castellana nga humanon na ang contingency plan bangud ang Comelec en banc ang naga approve sini kag dapat mas temprano mapa aprobahan, ilabi na nga may mga konsiderasyon man sa budget nga dapat matutukan.
Dugang pa sini nga may oras ang COMELEC nga magpreparar bangud nahibaluan na nga dako ang tsansa nga liwat maglupok ang Bulkan Kanlaon.
