Nakabaton sang Philippine National Police (PNP) heroism medal nagikan sa Police Regional Office (PRO) 7 si Police Major Antonio Benitez kadungan sang send-off ceremony sang Western and Eastern augmentation forces sa Cebu City nagligad nga Agosto 31.
Nahibaluan nga ginbutang bilang contingent commander sang 53 ka mga PRO-6 officers si Benitez nga nag-augment sa Cebu police sa tunga-tunga sang coronavirus crisis sa lugar.
Sa interview sang Bombo Radyo Bacolod kay Benitez, ginpahayag sini nga isa ka dako nga oportunidad kag kadungganan nga ginkilala ang iya hinimuan sa pagpakig-away sa indi makita nga kontra sa Region 7.
Suno diri, ang pag-away sa COVID-19 ang responsibilidad sang tanan.
Apisar sa kabudlayan nga iya naagyan subong man ang risgo sa kabuhi, wala nag-untat si Benitez sa pagpakig-away sa virus.
Dugang pa sang anay hepe sang Sagay City Police Station nga ginbalik na sila sa regional headquarters sa ciudad sang Iloilo bangud nga manageable na ang COVID cases sa Cebu.Nahibaluan nga ang awarding ang ginpatigayon kadungan man sang pagselebrar sang National Heroes Day apang suno kay Benitez, nagligad pa nga Agosto 10 sini nabaton ang mando.//// VC OF P/MAJOR ANTONIO BENITEZ-PNP HEROISM MEDAL AWARDEE
