Nagpadala sang sulat ang Bacolod City Government sa Alta Negros, nga amu ang contractor sa ginakay-o nga drainage sa Dalan Araneta tuhoy sa mga mga insidente nga nagluntad bangud wala sang early warning device ang dalan.
Nahibaluan nga sang damlag lang, may nastuck nga taxi sa isa ka manhole nga ginakay-o samtang nahulog naman ang isa ka motorsiklo sa isa pa gid ka manhole bangud wala sang early warning device, cordon ukon maskin ano nga nagacover sa buho.
Suno kay Bacolod City Administrator Atty. Pacifico Maghari, may yara na sila sang go-signal nagikan sa District Engineer nga magcoordinate direkta sa contractor tuhoy diri.
Suno kay Maghari, sila ang nakapadala na sang sulat sa Alta Negros agud magpangayo sang eksplenasyon kun ngaa natabo ang mga insidente.
Suno diri, kabigon ini sang ciudad nga seryoso nga butang kag iga-elevate sa DPWH.
Kun magwa sa imbestigasyon nga wala sang baral suno sa city administrator, may yara gid sang liability gid ang contractor kag dapat maathag ang ebidensya.
Suno diri, ang Bacolod Traffic Authority Office amu ang responsible sa pagbantay sang construction sa tagsa ka adlaw kag sila man ang magahatag sang update tuhoy diri.
