Nakawatan ang isa ka convenience store sa ciudad sang Bacolod sang P9,900 sang isa ka impersonator ukon nagapakuno-kuno nga si Mayor Greg Gasataya gamit ang AI voice cloning kahapon sang aga.
Suno sa Alkalde, matapos matukiban ang insidente, gilayon siya nga nakigsapol sa tag-iya sang store, security personnel, kag sa mga apektado nga cashier nga isa ka working student.
Pahayag ni Mayor Gasataya, wala niya ginatolerar ang mga kriminal nga gamiton ang iya pangalan ilabi na sa mga local businesses kag honest workers.
Naghingyo naman ini sa Bacolod City Police Office para sa gilayon nga imbestigasyon agud mapanabat ang scammer.
Ginpangabay man sa Alkalde sa tanan nga business owners nga paandaman ang ila mga staff ilabi na ang mga night shifts kag gilayon ireport sa mga kapulisan ukon sa iya opisina kun may kaangay nga insidente.
