Nagpanawagan ang convenor sang 1Sambayan sa Commission on Elections (COMELEC) nga imbestigaran ang ginaaligar nga dirty tricks sang kasumpong sang Leni-Kiko tandem.
Sa press conference nga ginpatawag ni anay Negros Occidental Governor Rafael Coscolluella, ginpanawagan sini sa COMELEC nga usisaon ukon imbestigaran ang ginaaligar nga lima ka dirty tricks nga ginaalegar nga nabaton sang ila nga mga supporters ukon volunteers sang ila kampo.
Suno kay Coscolluella kaangay lamang sang madamo nga facebook post nga nagapahayag nga ang mga volunteers for Leni sa banwa sang Pulupandan ang indi na hayag nga makapangkampanya kag may yara sang gina-alegar nga direkta nga pamahog nga nabaton nga kun indi pagupdan ang ila kandidato sa pihak nga kampo ang ila balay mahimo nga mabulldoze.
Suno kay Coscolluella nagbalik naman ang vote o gabot kag magluwas diri may yara man sang kaso nga pagpanghaboy sang tumba-tumba ang entrance kag exit sang mga kilala nga supporters kag ginapaandaman nga indi mahimo ang pagtipon-tipon.
Ginpahayag sang 1 Sambayan convenor nga indi nila luyag nga ang mga kaangay nga kaso ang magdako pa gani nagaapelar sila sa alkalde sa banwa sang Pulupandan nga hambalan ang iban nga alkalde sa probinsya nga magpanguna sa paghatag sang assurance sa mga tawo sa probinsya sang Negros Occidental para sa matinlo nga pagpangampanya.
Suno diri ang pihak man nga kampo ang nagpahayag nga daw kaangay natapos na ang piniliay kag sila na ang nagdaog gani ginapamangkot sini nga kun nakasiguro na lamang sila nga sila na ang nagdaog ngaa kinahanglan pa maglab-ot sa gina-alegar nga dirty tactics.
Ginapanawagan ni Coscolluella nga limpyuhon nalang ang pagpangampanya kag lantawon nalang kun paano magdesisyon ang mga pumuluyo.
Nag-apelar man ini sa COMELEC nga imbestigaran ang ginatawag nga dirty tricks kag nagalaom nga mahatagan sang nakaigo nga intention sang COMELEC.
Nanotisyaran man sang mga ini ang illegal nga pagbutang sang mga campaign materials sa probinsya.
Nagpanawagan man si Coscouella sa COMELEC nga para patas dapat ang mga campaign materials sang ila man nga kampo ukon sang iban nga partido nga wala nabutang sa nakaigo nga bulutangan ang kuhaon.
