Nagapati ang convenor sang Amlig Tubig nga masarangan sang Bacolod City Water District (BACIWA) nga magserbisyo sa ciudad bisan wala na ang PrimeWater.
Madumduman nga madamo sang reklamo sa PrimeWater bangod sa malaw-ay sini nga serbisyo sa mga area kun sa diin may yara sila sang joint venture agreement (JVA) sa water districts.
Suno sa anay senador nga luyag sang iya bana nga si Manny Villar nga i-dispose ang PrimeWater bangod ginagamit ini pangontra sa ila bisan nga magamay lang man ang ila ginansya diri.
Sa interview sang Bombo Radyo kay Bacolod City Councilor Wilson Jun Gamboa, wala nakahibalo ang mga Villar kun paano magpadalagan sang negosyo nga water service provider.
Suno diri, ginsudlan ini sang Villar sa tuyo nga kwartahan ang tawo kag indi nga magserbisyo.
Gintawag man sini nga tunto ang mga Villar bangod sila na mismo naghambal nga i-dispose ang PrimeWater bangod indi man sila makaganar.
Mas maayo pa suno kay Gamboa kun dulaon na lang ang JVA sa tunga sang BACIWA kag PrimeWater bangod makasarang man ang water district nga magsupply sa ciudad.
Apang, gin-athag sini nga makasarang ang BACIWA basta insakto lng nga tawo ang ibutang agud magpadalagan sini.
