Nagpasalamat ang convenor sang Amlig Tubig nga nakabatyag man sang huya ang miyembro sang Board of Directors sang Bacolod City Water District (BACIWA) nga si Mona Dia Jardin sa Barangay Felisa, ciudad sang Bacolod kaina sang aga.
Sa interview sang Bombo Radyo kay Wilson Gamboa Jr., padayon ang pagpakigbato sang mga empleyado sang water district nga ginterminate sang illegal nga kuntani mareinstate ang mga ini makaligad ang masobra na anom ka bulan.
Bangud sini kag sang iban pa gid nga kawsa, nagdesisyon ang Amlig Tubig suno kay Gamboa nga dal-on ang protesta sa balay sang BOD members kag una diri amo ang balay ni Mona Dia Jardin.
Suno diri, wala sang statement ang BOD sa madamo na nga reklamo sang mga konsumidor angot sa indi maayo nga serbisyo sang water district.
Suno sa konsehal, pagmonitor na gid lang sang water district ang nabilin nga function sang BOD apang wala pa ini ginatuman kag sila pa ang nagpanguna agud nga makakas ang mga empleyado.
Sang ginkadtuan sila sang pulis, mismo si Gamboa ang nagpanguna sa pagcomply kun sa diin nagpahigad ang mga ini sa sidewalk agud nga indi makadisturbo sa negosyo ni Jardin.
Suno diri, nangin peaceful ang rally.
Indi man ini magsunod sa panugyan ni Jardin nga sa atubang sang BACIWA magarally.
Panindugan sini, may kahilwayan sila kun sa diin magarally bangud makapila na ka beses nga nagprotesta sila sa atubang sang water district apang wala man sang nagaatubang sa ila.
