Luyag sang convenor sang Power Watch-Negros nga magpatigayon sang massive dissimination of information sa tanan nga konsumedor sang CENECO agud ila maintindihan ang lakat sang joint venture agreement sa tunga sang Central Negros Electric Cooperative, Inc. (CENECO) kag More Power para sa igapatigayon nga plebisito kun sa diin may kinamatarong sa pagboto ang mga member-consumers.
Ini ang patigayunon simultaneously sa tanan nga franchise area sang CENECO sa Hunyo 24 kag 25 kag Hulyo 1 kag Hulyo 2.
Sa interview sang Bombo Radyo kay Wennie Sancho, ang tingog sang mga konsumedor ang nagapanglabaw sa tanan sa pagboto.
Suno diri, importante nga mga eksplekar sa mga tawo ang JVA agud may yara sila sang husto nga pag-intindi sa pagedisisyon sa joint venture agreement.
Gani gin-athag sini nga sala ang pagpati sang mga konsumedor nga ang JVA sang CENECO kag More Power makatuga sang pagsaka pa sang bill sa kuryente.
Indi man sini luyag nga magtalang ang pagpati sang mga tinawo sang CENECO nga sila madulaan sang trabaho nga suno kay Sancho, ang mga trabahador nga nagatrabaho sang husto kag kwalipikado mahimo nga maretain sa pwesto.
Gani, pahayag ni Sancho ang pag-eksplekar kag paghatag sang basic principle sa mga konsumedor makabulig agud sila makadesisyon sang insakto.
Nagapati ang convenor sang Power Watch-Negros nga isa ka development ang joint venture agreement sa tunga sang Central Negros Electric Cooperative, Inc. (CENECO) kag More Power para sa mga pumuluyo kag kosumedor.
Sa interview sang Bombo Radyo kay Wennie Sancho, ginawelcome sini ang pagsulod sang More Power agud marehabilitate ang equipment kag powerlines sang CENECO agud mapasanyog pa gid ang serbisyo sini.
Suno diri, ang intensyon sang JVA amo nga mahatagan sang komportable kag husto nga supply ang mga konsumedor.
Kwestyon sini kun sarang bala nga maagwanta sang mga konsumedor ang inconvenient nga serbisyo sang CENECO, nga para sa iya makaluluoy ang tagsa.
Para kay Sancho wala sang malain sa JVA nga luyag mansini nga I-improve ang kalidad sang pagpangabuhi sang konsumedor nga wala gid nabatyagan sa idalom sang CENECO.
Iya man ginpakigbahin nga santo sa iya nakita maayo ang trabaho sang More Power sa Iloilo kag luyag sini nga mabatyagan man sang Negros ang amo nga katawhayan sa kuryente.
Ilabi na nga may yara sang mas updated kag modernized ang teknolohiya ang More Power kun sa diin madasig ang mga ini magtrabaho.
Pa-athag ni Sancho, sa idalom sang JVA wala na sang mismanagement kag gina-alegar nga korapsyon kun sa diin ang tanan nga proseso may hugot nga pag-obserba.
Dako ang pagpati sini nga karun na nga tion nga dapat may yara na sang pagbag-o sa direksyon sang CENECO kag ang pag-umpisa sang JVA makahatag sang benepisyo sa mga konsumedor kag sa mga tinawo mismo sang CENECO.
