Dako ang pagpasalamat sang kongresista sa syudad sang Bacolod matapos nga opisyal na nga nangin unibersidad ang Carlos Hilado Memorial State College (CHMSC).
Nahibaluan nga si Bacolod City Lone District Congressman Greg Gasataya ang principal author sang hagna agud nga mangin university ang nasambit nga kolehiyo.
Sa interview sang Bombo Radyo Bacolod kay Gasataya, nagapasalamat ini bangud natigayon na nga mangin unibersidad ang CHMSC kag ini man ang una nga kahigayunan nga may state university sa syudad sang Bacolod.
Nahibaluan nga duha ang extension sang CHMSC sa syudad sang Bacolod nga ginalakipan sang CHMSC-Fortune Town kag CHMSC-Alijis.
Suno kay Gasataya, sang 2017 sini ginfile ang bill kag nagpaidalom sa proseso kag subong nga tuig natapos kag natigayon nga mangin University ang eskwelahan.
Suno sa kongresista, mas lain ang pagkilala sa mga graduates sang unibersidad komparar sa college.
Mas dako man ang pondo para sa mga state universities.
Ginahulat nalang ang resolution sang CHED en banc kag sa tion nga maggwa na ini, ang CHMSC ang mahimo na magpatigayon sang seremonya sa pagdeklarar nga opisyal na nga state university ang eskwelahan.
