Cookies kag ice latte nga kare-kare flavor, ginabaligya sa isa ka restaurant?

Madamo sang mga bantog nga “lutong-pinoy” sa Pilipinas kag isa sa mga paborito nga putahe sang mga Pilipino amo ang “Kare-Kare”.

Apang, ano ayhan ang mangin sabor sini kun ginhimo nga isa ka tumalagsahon nga flavor para sa cookies kasubong man sa timpla sang kape.

Ang isa ka restaurant owner nga si Trish ang naghimo sang pinasahi nga cookies sa diin ginhimo nga flavor ang kare-kare agud makaubra sang kaugalingon nga trend.

Ang anay “ulam-savory” nga putahe, ang yara na subong sa dessert category, kag indi lamang sa cookies, gin-testingan man ini sa kape kag ini ang gintawag nga “kare-kare ice latte.”