Nagdeklarar ang Corazon Locsin Montelibano Memorial Regional Hospital (CLMMRH) sang intra-facility COVID outbreak bangud sa nagasaka nga positivity rate sang virus sa ila mga health workers.
Sa interview sang Bombo Radyo kay Dr. Julius Drilon, nagsaka ang COVID positivity rate sa Bacolod kag Negros Occidental santo sa ila monitoring sang Abril.
Suno sa iya, ila ginbalik ang mandatory swab test sa mga health workers kag yara sa apat ka health worker kada adlaw ang ila positivity rate.
Nagapati si Drilon nga isa ini ka community transmission gani sila ang nagdeklarar sang intra-facility COVID outbreak kag in effect na ang mga protocols para sa infection control.
Samtang, kapin 16 porsyento na ang construction sang bag-o nga building sa nasambit nga ospital.
Ginaathag naman ni Drilon nga wala sila nagpatindog sang multi-purpose building para sa mga watchers.
Suno diri, may yara sang temporaryo nga tent nga ginprovide ang ospital para sa mga outpatient apang wala sila nagabaton sang bisita kag wala sila sang pasilidad para sa mga watchers.
Suno sa iya, may yara sang selective watcher policy depende sa medical condition.
Dugang pa sini, may nadetect sa Negros nga bag-o nga variant sang Omicron nga ginakabig variant of concern gani sila nag naga-allocate na sang bed kag staff nga kinahanglanon agud i-admit ang comorbid nga ga pasyente.
