Pila ka mga pumuluyo ang nasamaran antes pa man ang pagsug-alaw sang bag-ong tuig kagab-i.
Kagab-i pila ka mga residente sa probinsya sang Negros Occidental ang gindala sa Corazon Locsin Montelibano Memorial Regional Hospital matapos masamaran sang palupok.
Pila sa mga nasamaran ang isa ka bata nagikan sa Luis Hervias sa ciudad sang Bacolod kag ang 31 anyos nga lalaki nga nagikan sa banwa sang Hinigaran nga nautod ang kamot bangud hinali naglupok ginsidihan sini nga palupok.
Samtang indi lamang ang mga fireworks related incidents ang ginpangdala sa ospital nga mga nasamaran bangud naaksidente sa ginmaneho nga motorsiklo kag tricycle.
May yara man sang nasamaran bangud aksidente nga nahulog sa taytay sa Barangay Vista Alegre, ciudad sang Bacolod.
Sa pihak, ginpahayag sang nagabaligya sang palupok nga nagnubo ang ila sales sa karun kag wala nila nabawi ang ila nga kapital.
