Ginkompirmar ni Corazon Locsin Montelibano Memorial Regional Hospital (CLMMRH) Medical Center Chief Dr. Julius Drilon nga nagdangat na sa 29 ang kabug-usan nga numero sang mga staff sang balay-bululngan nga nagpositibo sa COVID-19 humalin sang tinalikdan nga semana.
Suno kay Dr. Drilon, walo ka mga doktor, apat ka mga nurses kag 17 ka admin support staff ang nagpositibo sa COVID-19 sa CLMMRH.
Santo sa ginpagwa nga data, ang mga nagpositibo kagab-i ang ginalakipan sang tatlo ka mga doktor kag 11 ka admin support staff.
Ginalantaw man ni Dr. Drilon nga halin naman sa IT personnel ang virus nga gintunaan sa pagpositibo sang pinakaulihi nga nainfect sang virus.
Kapin naman sa 60 ka mga personnel ang nakaquarantine subong kag sila ang lunsay mga support staff sang CLMMRH rason nga ginpaiway anay ang pagbukas liwat sang out patient department (OPD), subong man man ang pagbaton sang mga suspected nga covid positive patients.
Suno kay Drilon, puno na ang bed capacity sang CLMMRH para sa moderate kag severe nga mga kaso.
Sirado man ang department of obstetrics and gynecology department kag neonatal intenstive care unit sang regional hospital.
