Gin-anunsyar na sang Miss Universe Philippines organization ang coronation date kag venue para sa pageant subong nga tuig.
Ang coronation night ang patigayunon sa Mayo 2, alas 06:00 ang takna sang gab-i sa Mall of Asia Arena sa Pasay City.
Natalana naman nga ipagwa ang dugang nga mga impormasyon kaangay sang ticket details.
69 ang mga kandidata subong nga tuig nga magapaindis-indis sa korona.
Ang magapaindis-indis agud nga makuha ang korona ang ginlakipan nanday Miss Earth-Air 2023 Yllana Marie Aduana para sa Siniloan, Laguna, Reina Hispanoamericana 2017 Teresita Ssen “Winwyn” Marquez para sa Muntinlupa City, Miss Universe Philippines 2024 Second Runner up kag Miss International 2018 First Runner up Ahtisa Manalo para sa Quezon, Province, Miss Globe 2022 semi-finalist Chelsea Fernandez para sa Sultan Kudarat, kag Reina Hispanoamericana 2019 Fifth Runner up Katrina Llegado para sa Taguig City.
Ang magadaog amo ang magabulos kay Chelsea Manalo kag magadala sang hayahay sang Pilipinas sa 74th Miss Universe pageant sa Thailand sa Nobyembre 21.
