Mahimo nga magpabilin ang coronavirus sa semen sang lalaki apisar nag-umpisa sa pagpaayo nagikan sa nasambit nga masakit.
Suno sa Chinese researchers may yara sang posibilidad nga mahimo makalaton ang virus paagi sa pakighilawas.
Isa ka researchers team sa Shangqiu Municipal Hospital ang nagpatigayon sang test sa 38 ka mga lalaki nga pasyente sa tion sang nagasaka ang pandemic sa China sadtong bulan sang Enero kag Pebrero.
Suno sa report sang team sa journal JAMA Open nga kapin 16 porsyento sang mga ini ang may yara sang ebidensya sang coronavirus sa semen sang mga ini.
Kapin ΒΌ sang mga ini ang nagaeksperyensya sang acute stage sang infection kag malapit 9% sang mga ini ang nagapaayo na.
Suno sa sinulatan ni Diangeng Li sang Chinese People’s Liberation Army General Hospital sa Beijing kag kaupdanan sini, ginpahayag nga santo sa pagtuon ang SARS-CoV-2 ang mahimo nga makita sa semen sang mga pasyente nga may yara sang COVID-19 kag mahimo ini sa gihapon madetect apisar nga nagapa-ayo na ang pasyente.
Dugang pa sang grupo, apisar nga indi makopya sang virus ang reproductive system sang lalaki,sarang ini magpabilin paagi sa privileged immunity sang testes.
Ang privileged immunity ang nagakahulugan nga ang immune system ang indi maayo makalab-ot sang region agud makaatake sa viral invaders.
Indi man ini makakilibot nga resulta sang pagtuon bangud madamo man sang virus ang sarang nga makapuyo sa male reproductive tract.
Ang Ebola kag Zika virus ang lunsay nga nahibaluan nga naglapta paagi sa semen, pila ka bulan ang nakaligad nga nag-ayo ang pasyente.
Indi pa maathag sa karun kun ang coronavirus ang naglapta paagi sa pakighilawas.
Ang nakita nga ebidensya angot sa virus ang wala nagakahulugan nga infected sang nasambit nga masakit .
Suno sa grupo, sa tion nga mapamatud-an nga ang SARS-CoV-2 ang sarang nga malapta paagi sa pakighilawas, ini ang mangin critical nga bahin sa pagtapna sang paglapta sini.
Sa karun, ang pagpuasa ukon abstinence kag paggamit sang condom ang sarang nga himuon sang mga pasyente ang nagasuprer coronavirus disease.
Dugang pa sang mga ini, nagakinahanglan pa sang nagakaigo nga pagtuon agud mamonitor ang fetal development sang masakit.
