Wala natigayon nga naaresto si impeached South Korean President Yoon Suk Yeol matapos ang deadline sang Lunes apang ginalantaw nga mahatagan pa sang dugang nga tiyempo ang mga anti-graft investigators agud mag-enforce sang warrant.
Nagpamalibad ang anay star prosecutor sang questioning sang tatlo na ka beses natuhoy sa ginpatuman sini nga martial law decree sang tinalikdan nga bulan kag nagpabilin sa sulod sang iya puluy-an nga ginapalibutan sang ginatos nga mga gwardiya nga nagapugong sa iya pag-aresto.
Ang mga imbestigador nagikan sa Corruption Investigation Office ang nagpangayo sang extension sa warrant nga nag-expire sang Lunes kag nagpangayo sang suporta nagikan sa kapulisan, nga nagpahayag nga ang pwersa ang magabulig kag makaaresto sa maskin sin-o nga nagadepensa kay Yoon.
Nagrequest ang mga opisyales sang dugang nga tiyempo agud makabulig bangud sa mga kabudlayan nga ila ginpangatubang lakip na ang masugata sang ginatos nga mga security forces sang sila ang nagsulod sa presidential compound ni Yoon.
