Nakit-an sang Council for Concerned Citizen ang esplanade malapit sa Bacolod City Government Center nga napabay-an na.
Suno kay Atty Renecito Novero, indi ghost project ang floodwall revetment structure kag esplanade nga ila gintsekyar.
Suno diri, ang esplanade proyekto sang Department of Public Works and Highways sang 2018 apang ini ginturn-over na sa ciudad.
Sa karun ang esplanade napabay-an na, wala na nagasiga ang mga suga, madamo sang higko, kag matag-as na ang mga hilamon.
Suno kay Novero, ang iban nga esplanade ginagamit bilang tourist attraction apang ang esplanade sa ciudad kaangay nga mahadlok ang mga tawo magpadulong didto.
Bangod nga wala nagamit ang esplanade sa matood nga purpose sini, ginakasubo sang anay konsehal nga nausikan ang kwarta sang pumuluyo nga mahimo pa kun tani magamit sa iban nga mas prayoridad nga proyekto sang Pilipinas.
