Magapatigayon sang imbestigasyon ang Council for Concerned Citizens sa mga flood control projects sa ciudad sang Bacolod.
Suno kay Human Rights Lawyer Atty Cesar Beloria, ang C-Three paga-updan sang One Negros Ecumenical Council (ONEC), kag iban pa nga sector nga nagpabutyag man sang ila suporta.
Suno diri sa Setyembre 22 padulongan nila ang proyekto nga flood control structure sa Lupit Rive kag Revetment with Floodwall project sa Bakyas Creek, sa Ngalan River kag sa Loygoy River.
Samtang sa Setyembre 23 naman ila tsekyaron ang Revetment with Floodwall project sa Magsungay River kag Revetment with Floodwall plus Esplanade project sa Sum-ag River kag Revetment plus Riverbank Esplanade sa Catmon Creek.
Suno kay Beloria ang ila report ila ipadala sa Independent Commission for Infrastructure (ICI).
Nagpasalig ini nga kun matapos nila ang imbestigasyon sa ciudad, mahimo man nila mapalapad ang ila trabaho agud matun-an man ang iban nga flood control project sa probinsya.
