Nag-object si Bacolod City Councilor Homer Bais sa ikaduha nga report sang tri committee angot sa loan sa legislative building.
Suno kay Bais, indi siya kumbinsido sa ikaduha nga report ilabi na sa recommendation sang komitiba angot sa mga kopya sang approved plans, program of works, procurement of documents kag P250 million nga additional budget para sa legislative building.
Ini ang nangin sentro sang ila talakayan sa ginpatigayon nga regular session sang Sangguniang Panlungsod sang Miyerkules.
Ginpaathag sang konsehal nga luyag niya makita ang certification gikan mismo sa Development Bank of the Philippines (DBP) kun pila ang aktwal nga budget para sa amo nga proyekto.
Luyag man sini makita ang withdrawals sang Hulyo tubtob Setyembre.
Suno kay Bais, wala nagbunggunay ang una nga report kag ikaduha nga report kun sa diin yara sa kapin P700 million ang budget sa 1st report apang suno diri, nakita sa 2nd report nga P500 million lamang ang ipagwa nga pondo.
Nagapangayo ini sang updated nga DPB certfication nga klaro sa summary ang loan release sa P4.1 billion loan sang Benitez Administration.
