Nagpangagda ang chairperson sa Committee on Tourism sa Sangguniang Panlungsod sang Bacolod nga tambungan ang madamo pa nga mga aktibidad sa Masskara Festival 2025.
Sa interview sang Bombo Radyo Bacolod kay Councilor Jason Villarosa, nangin madinalag-on ang Grand Opening nga ginpatigayon kagab-i nga dungan nga ginhiwat sa Bacolod City Government Center kag Bacolod City Public Plaza.
Nagdangat sa masobra 50 mil ang ginabanta nga tumalan-aw sa opening sa BCGC samtang masobra 1,500 naman ang sa plaza.
Pangagda ni Villarosa nga tambungan ang masunod pa nga mga aktibidad kaangay sang Masskaralympics kag Masskanamit festival kag iban pa nga cultural activities sa tatlo ka semana nga selebrasyon, nga ginapasalig sini nga ma-enjoy gid sang tanan.
Ang highlights ang patigayunon sa Oktubre 16 tubtob 18.
