P2,500 ang bili sang isa ka botelya nga Vitamin C with Zinc nga ginbakal sang Bacolod City agud nga makabulig sa paghatag sang ikaayong lawas batok sa paglatun sang COVID-19.
Suno kay Bacolod City Counsilor Wilson “Jun” Gamboa Jr. gin kwestyon sini ang presyo bangod nagbakal man ini kag balor P349, kag ginapakita pa sini ang sample sa special session nga ginpatigayon kahapon.
Ginpahanumdum sini sa mga opisyal nga maghalung bangod may mga nagabantay kag makakita.
Dugang pa sini nga pamangkot kun ngaa vitamins gihapon ang ginahandaan sang ciudad apisar nga nagrequest na ini tinalikdan nga semana nga dapat magprocure ang ciudad sang mga bulong nga COVID related.
Sabat naman sang mga ini amo ang bulong nga Paracetamol apang ginpanindugan sini nga dapat ang magamit sang COVID patient nga mild to moderate.
Suno diri, dapat nga ang gobyerno na ang magahandle sang mga mild kag moderate cases agud nga mga kritikal nalang ang atubangon sang mga ospital.
Paathag pa sini nga masami kabangdanan sang pagkapuno sang bed capacity sang mga ospital para sa COVID patients amo ang pagbatun sang mga ini sang mild kag moderate cases samtang kun mag-abot naman ang mga kritikal nga pasyente ang wala na sang nabilin nga kwarto.
Gani ginatugyan sini nga magbakal na sang bulong nga COVID related kag prescribed sang DOH.
Nakahanda naman ini nga magpondo kun ginakinaghanglan ang dugang nga pondo bangod indi na ini masarangan sang paracetamol.
Dugang pa sini nga suhestyon sa gobyerno nga magtukod sang food system nga maghatag sang healthy kag may nutrisyon nga pagkaon kag indi na processed food ang gamitun sa government assistance.
Wala naman sini ginasuggest ang lockdown.
Panindugan sini nga dapat mas pagwaon ang mga pumuluyo agud indi maguba ang ekonomiya.
Mas maayo nga pabakuron ang health care system kun sa diin magapatawag sang ekspyerto nga magadetect, test, isolation kag tracing indi nga punggan ang paggehu sang mga pumuluyo.
