Nagserbe sa karun nga alkalde sa ciudad sang Bacolod si Councilor Jude Thadeus “Thaddy” Sayson matapos nga nagpatigayon sang official travel sa luwas sang pungsod sanday Bacolod City Mayor Alfredo “Albee” Benitez, Bacolod City Vice Mayor El Cid Familiaran kag iban nga opisyales sang ciudad.
Sa interview sang Bombo Radyo kay Sayson, bangud ang alkalde kag bise alkalde ang naglakat, automatic nga ang number 1 councilor ang magapungko bilang alkalde sang ciudad.
Suno kay Sayson, nagpadulong sa Italy ang mga opisyales matapos nga gin-imbetar ang Negros Occidental kag Bacolod City sang Slow Food International Congress.
Suno diri, magapungko siya bilang alkalde sang ciudad tubtob sa tentatively date nga October 3.
Sa pihak nga bahin, nakadepende pa sa leader sang Team Asenso ang pwesto nga padalaganan sini kag wala man ini sang problema kun ano nga posisyon ang ihatag sa iya para sa 2025 midterm elections.
Ginpasalamatan man sini ang tanan nga mga pumuluyo sa ciudad sang Bacolod nga padayon nga nagasalig sa iya.
