Gin-athag sang chairperson sa Committee on Finance and Appropriations sa Sangguniang Panlungsod sang ciudad sang Bacolod nga wala ginpadalian ang pagpasar sang ordinansa para sa signing sang Build Transfer Maintain Agreement sa tunga sang ciudad kag High Data Infra Inc. para sa pagpatukod sang Centralized Command Center Project.
Sa Build Transfer Maintain Agreement kaupod ang High Data Infra Inc. nalakip ang pagtalana sang P2.1 billion nga pondo para sa digital infrastructure nga pag-install sang kapin sa 150 ka mga CCTVs kag intelligent lamp poles kag lakip na diri ang digitalization kag comprehensive Geographic Information System.
Sa interview sang Bombo Radyo kay Councilor Thaddeus “Thaddy” Sayson, tuig 2022 pa ini nasuguran kag napasar sa Private Public Partnership center sa Manila kag isa sa requirements dapat nga resolution ang pagpatigayon sang proyekto kag indi lang nga isa ka ordinansa.
Sa karun lamang ini nga tuig, naaprubahan para mangin ordinansa kun sa diin ginpatigayon ang singing sang Memorandum of Agreement kaina alas- 3:00 sang hapon.
Pahayag ni Sayson, ini nga proyekto ang isa sa concept agud mangin super city ang Bacolod.
