Nagapangayo sang kooperasyon ang chairman sang Committee on Urban Poor and Housing Development sa mga pumuluyo sang Mambuloc Creek sa Purok Lampirong, Barangay 2, Bacolod City nga magproseso na sang requirements agud sila ang marelocate na kag makasaylo sang puluy-an.
Ini bangud sa madasig nga pagbaha kun nagaulan bangud sa basura nga nagatipon.
Suno kay Councilor Vladimir Gonzales, nakapatigayon sang public hearing sang tinalikdan nga tuig kag masobra 20 ka pamilya ang na-identify kag nakasugtan nga makasaylo sa relocation site.
Suno kay Gonzales, iyawan penetrate ang Disaster Risk Reduction and Management Office kag Department of Public Works and Highways bangud sa mga structures nga nagabalandra sa area.
Una na nga ginpahayag sang mga residente nga wala sang lugar sa Purok Arao, Barangay Vista Alegre apang gin-athag sang konsehal nga indi ini matuod.
Suno diri, kinahanglan sang mga residente nga i-comply ang mga requirements sa Bacolod Housing Authority agud sila ang matigayon nga makasaylo.
Suno sa iya, ang mga flood prone areas amu ang prayoridad sa relocation kag sang tinalikdan nga tuig, sila ang nakabaton na sang assistance nagikan sa DPWH kag contractor.
Gani nagapangabay ini sa mga residente nga makasaylo na sila sa relocation site.
