Ginbantayan ni Bacolod City Councilor Wilson Gamboa ang public hearing sang budget sang ciudad.
Sa interview sang Bombo Radyo Bacolod kay Gamboa, isa sa gintambungan sini amo ang deliberasyon sang budget para sa City Engineers Office.
Suno sa konsehal nakita sini nga ang budget nga gin-deliberate para sa nasambit nga departamento sa ciudad sang Bacolod ang magamay.
Suno diri gin-estorya man sini si Bacolod City Engineers Office Head Loben Seballos kun insakto na ang budget sang departamento nga ginapamunuan sini para sa 2026 kag nagsabat man nga makaigo na.
Concerned man ini bangud sa General Appropriations Act 2026 ginpanaugan sang moratorium sang presidente ang Department of Public Works and Highways bangud sa issue sang flood control projects.
Suno sa konsehal importante nga mahatagan sang nagakaigo nga budget ang nasambit nga departamento bangud kinahanglanon nga makahimo sang tikang agud nga mapahagan-hagan ang pagluntad sang pagbaha.
Suno kay Gamboa sa subong nga panahon gamay lamang nga ulan ang ciudad ang ginabaha na gani kinahanglan sang City Engineers Office nga maghimo sang tikang agud na masolusyunan ini.
Ang budget sang nasambit nga departamento ang gamiton sa paghimo sang flood mitigation projects kaangay sang pagtinlo sang waterways, sweldo sang mga empleyado kag iban pa na mga proyekto.
