Nagapati ang kilala nga political analyst nga kun may coup d’état gid man sa pagpahalin kay President Ferdinand Marcos Jr sa pwesto, indi ini mangin madinalag-on kun wala sang suporta halin sa mga tawo.
Madumduman nga gin-ako ni Armed Forces of the Philippines (AFP) Chief of Staff General Romeo Brawner Jr. nga may retired military officers nga nag-ingganyo sa iya sa pag-withdraw sang suporta kay Marcos
Sa interview sang Bombo Radyo kay Atty Jomax Ortiz, ang mga retired military officers nakakuha sang benepisyo sa administrasyon ni former President Rodrigo Duterte bangod nagdoble ang sweldo sang militar kag kapulisan.
Suno diri, nagapabilin ang ila loyalty kay Duterte amo nga indi malikawan nga luyag nila pahalinon si Marcos sa pwesto.
Apang ang problema lang diri amo nga kun mabulos si Vice President Sara Duterte bilang presidente, siya may yara man sang isyu sa korapsyon.
Pahayag ni Ortiz, kun bakante ang pwesto sang presidente kag bise presidente, ang sunod diri amo si Senate President Tito Sotto nga pro-Marcos.
Suno kay Ortiz, bisan ano pa nga coup d etat ang patigayonon, indi ini mangin madinalag-on kun wala sang suporta halin sa Pilipino.
