Nagpasalamat ang bag-o nga ginkasal nga mag-asawa Villanueva sa Local Government Unit sang Bacolod City bangud sa sulod sang 24 ka tuig nga pag-updanay sini, natigayon na gid sila nga makasal sa ginpatigayon nga mass wedding sa Bacolod City College kaina sang hapon, Pebrero 14.
Sa interview sang Bombo Radyo sa Villanueva family, ginpahayag sang bag-o nga mag-asawa nga isa sa nangin rason kun ngaa nadugayan ang ila pagkasal amo ang kakulangan sang kwarta kag ginprayudad anay nila ang ila lima ka bilog nila nga mga kabataan.
Sila ang high school sweethearts kag tubtob sa karun nagapabilin sa gihapon nga madalom ang ila paghigumaanay sa isa kag isa.
Subong nga may lima na sila ka kabataan, mas ginahtagan nila sang importansya ang pagpakasal agud mas mapabakod pa gid ang pundasyon sang ila pamilya.
Dako man ang ila pagpasalamat sa Local Government sang Bacolod City nga nahatagan sila sang kahigayunan nga makasal nga wala sang bayad.
