Ginahulat nalang ang court order agud nga masaylo sa Bureau of Immigration ang 17 ka mga Chinese nationals nga nadakpan sa ginpatigayon nga raid sang Nobyembre 4, 2023 sa Jaro, Iloilo City sang mga operatiba sang Iloilo City Police Office-City Intelligence Unit, Police Regional Anti-Cybercrime Unit-6 kag Cybercrime Investigation and Coordinating Center.
Nakuha sa mga ini ang pila ka mga computers, mobile phones, routers kag SIM Cards.
Nagapabilin sa karun sa kustodiya sang Bureau of Jail Management and Penology (BJMP) ang 17 ka mga Chinese nga napamatud-an nga guilty sa cybersex den operation sa ciudad sang Iloilo.
Sa desisyon ni Regional Trial Court Judge Victorino Maniba nga ang mga dumuluong ang naglapas sa Anti-Trafficking in Persons Act, Cybercrime Prevention Act kag Revised Penal Code sang ginpilit nila ang mga trabahador nga ginkuha para sa isa ka non-voice call center nga mag-engage sa “lustful” nga mga conversation sa telepono kag maghimo sang malaw-ay nga mga exhibit sang pribado nga mga bahin sang lawas.
Ang kada isa sa mga convicts ginpamatbatan sang apat tubtob walo ka bulan nga pagkapriso kag ginmanduan nga magbayad sang P75,000 nga multa para sa tagsa ka kaso.
