Ginpahayag sang human rights lawyer nga kuntani nagpakita sang courtesy parehas si Vice President Sara Duterte kag ang administrasyon sang House of Representatives.
Sa interview sang Bombo Radyo Bacolod kay Atty Cesar Beloria, bisan ano man ang posisyon sa gobyerno, ang kada ahensya ang may-ara sang regulasyon nga dapat sundon.
Ini ang aplikable bisan sa mga public properties, kaangay sang ginapatuman nga office hours.
Suno kay Beloria, bisan public official kaangay sa Office of the Mayor, ini ang bukas sa publiko sa office hours apang kun sarado na, wala man ginapahanugutan nga makasulod ang bisan sin-o.
Ini bangod may-ara sang mga ginaprotektahan nga mga pagkabutang nga sila ang manabat inkaso madula ukon tandugon sang iban, gani may-ara gid sang ginapatuman nga regulasyon.
Apang kun mamilit gid sa pagsulod bisan sirado na, ini ang makonsiderar nga “disobedience to person in authority” kag kun pagwaon na bangod kinahanglan na nga manirado apang magpakatig-a sa paggwa, ini naman ang makabig nga “resistance to person in authority “.
Pahayag ni Beloria, nga sa nahibaluan sini si Vice President Sara Duterte ang makapila na nga mag-extend sang oras sa pagbisita kay Office of the Vice President chief-of-staff Zuleika Lopez, nga nakadetain sa Kamara matapos nga gincite in contempt bangod sa “undue interference in the conduct of proceedings”.
Una ginpahanugutan si Duterte nga magtinir sa detention area alas-7:00 tubtob alas-10:00 sang gab-i tubtob nga ini ang na-extend sa alas-12:00.// Panindugan ni Beloria nga natapos na ang visiting hours gani indi na pwede nga makatinir sa detention area si Duterte.
Ini ang rasun nga siya ang nagtulog sa opisina sang iya manghod nga si Congressman Paolo Duterte sa House of Representatives.
Aminado ang abogado nga may kinamatarong ang administrasyon sa pagpatay sang mga suga kag tubig matapos ang office hours, apang sunod diri dapat nga ginhatagan man sang courtesy ang 2nd ranking official sang pungsod.
Ini bangod ginapahayag nga ginpatyag sang kuryente si VP Sara samtang yara sa opisina ni Pulong.
Apang suno diri, antes paman, una na nga ginpahayag ni Congressman Pulong nga bisan patyan sang kuryente si VP Sara, ini ang indi magahalin.
