Ginapanugyan sang Provincial Director sang Negros Occidental Police Provincial Office sa mga political aspirant sa Provincial level nga nga makig-isa sa patigayunon nga covenant signing bwas Pebrero 13.
Ang seremonya ang patigayunon sa NOCPPO Headquarters.
Sa interview sang Bombo Radyo Bacolod kay NOCPPO Public Information Officer Police Captain Judesses Catalogo, antes ang pagpirma, may patigayunon man nga Provincial Peace Covenant and Comelec Orientation sa pagpanguna sang Provincial Comelec Office.
Kun sa diin ipahanundom sa mga political aspirant sa provincial level kalakip na ang nagapapili sa pagka-gobernador, bise gobernador, kag board members halin sa first tubtob sixth district, ang mga dapat likawan agud mapabilin ang kalinong kag kahilwayan sang 2025 Midterm Elections.
Kalakip diri ang commitment nila nga indi magpatisipar sa mga election related violence, pagpamahog kag iban pa.
Paathag ni Catalogo nga voluntary lamang ang pagtambing sa covenant signing, gani kun wala man lang sang prior commitment, mas maayo nga magbuylog sa programa agud mapakita sa mga bumuluto nga sila ang nagapakig-isa sa malinong, matawhay kag tampad nga eleksyon.
