56 ka mga kaso sang coronavirus disease ang narekord sa Bacolod City kahapon samtang 67 naman sa Negros Occidental.
Sa COVID-19 Case Bulletin No. 185 nga ginpagwa sang Department of Health Western Visayas, 247 ka mga infections ang nagdugang sa rehiyon kun sa diin 56 ang nagikan sa Bacolod; 67 sa Negros Occidental; 53 sa Iloilo City; 22 sa Iloilo; 45 sa Capiz; kag tag-duha sa Aklan kag Guimaras.
Nagpanguna naman ang Bacolod City sa may pinakamadamo nga narekord nga recoveries kahapon bangud sa 52 ka mga nag-alayo sa balatian.
Nakarekord man ang Iloilo City sang 9 ka mga recoveries; walo sa Iloilo; kag napulo sa Capiz nga may kabug-usan nga 79 ka mg bag-o nga nag-alayo.
May 19 naman ka mga bag-o nga fatalities nga narekord sa rehiyon kun sa diin 14 ang naghalin sa Bacolod, tatlo sa Capiz kag duha sa Negros Occidental nga may total death toll na karon nga 241.
Sa kabug-usan, may yara na sang 11,215 ka mga kaso sang coronavirus sa Western Visayas kun sa diin 4,107 ang aktibo; 6,867 ang nag-alayo; kag 241 ang nagtaliwan.
Sa karun, ang kabug-usan nga kaso sa Bacolod ang nagdangat na sa 3,938 samtang ang kaso naman sa Negros Occidental ang nagdangat na sa 2,928.
