Natukiban nga ang pattern sang COVID-19 transmission ang kalabanan nga makita sa mga ulobrahan.
Suno kay City Administrator Em Ang, pinuno sang Emergency Operation Center (EOC) sang ciudad, santo sa data, ang masami nga mga nagakalatnan ang nagikan sa isa ka trabaho, pampubliko nga transportasyon kag sa mga merkado.
Ginalakipan naman ini sang nagkalainlian nga trabaho apang ang pinakamadamo nga nangin kaso sa ciudad ang nagikan sa mga BPO.
Isa ka rasun sini amo ang madamo nga trabahante nga yara sa isa lang ka lugar kag kasubong man ang pagkasarado sang gina-ubrahan nga establishimento.
Madumduman nga sarang makaupod sa mga droplets ukon airborne ang virus, gani sarang ini nga magatiyog sa sarado nga ulobrahan.
Agud nga matapna ang paglapta sang virus sa mga BPO, ginatsekyar naman sang ciudad ang structure sang mga BPO kun nakasunod ini sa mga pagpatuman.
Suno sa City Administrator, kun may aircon ang isa ka sarado nga establishemento, dapat nga may nakabukas ini nga bintana.
Samtang kaupod man sa madamo ang cases amo ang mga ospital nga ginalakipan masami sang mga health care workers, mga retail business kag mga lugar nga madamo kag lainlain nga mga tawo ang nagakadto.
Kalabanan naman sa mga nagakalatnan ang nagasakay sa mga pampubliko nga mga salakyan, santo sa data ang nakuha nagikan sa mga contact tracing team nga naga-enterview mismo sa mga natapikan sang virus.
Samtang ginpahayag naman ni Ang nga sang tinalikdan nga mga indalaw, wala na sa mga ahensya sang gobyerno ang nalatnan sang balatian bangod istrikto sang mga ini nga ginatuman ang mga protocols.
Ginalimitahan naman sang Goberno ang nagasulod sa mga opisina kag ginapatigayon ang skeletal work arrangement.
Ginagrupo naman ang mga empleyado kag gina-rotation sa pagtrabaho samtang ginpaandam ni Ang nga kun may malatnan nga empleyado, kasubong man nga igaquarantine ang bug-os nga team kag pagabuslan nalang sang magasunod nga shift.
