Nagdangat na sa 40 ang kaso sang nagpositibo sa coronavirus disease sa probinsya sang Negros Occidental matapos madugangan sang tatlo kahapon.
Santo sa data nga ginpagwa sang Department of Health Region 6, lunsay Locally Stranded Individuals (LSIs) ang nagdugang nga COVID cases.
Ini ang ginalakipan ni WV 178 nga 30 anyos nga lalaki kag residente sang Murcia, Negros Occidental; WV 179 nga 33 anyos nga babayi kag residente sang Himamaylan City, Negros Occidental; kag si WV 180, 26 anyos nga babayi kag residente sang Cadiz City, Negros Occidental.
Sa karun may yara na sang 182 ka mga kompirmado nga kaso sang Covid 19 sa Western Visayas, 61 ang active cases, 110 ang nakarecover kag nagapabilin sa 11 ang nagtaliwan bangud sa balatian.
Nagapabilin naman nga 28 ang kaso sang posotibo sa coronavirus disease sa syudad sang Bacolod.
17 na ang nakarecover santo sa data nga ginpagwa sang Bacolod City Health Office.
Ang mga nakarecover ang ginlakipan nanday patients #1; #2; #4; #5; #7 ;#9 ; #10 ;#11 ;#12 ;#13; #14 ;#15 ;#16 ;#17 ;#18 ;#19 kag #20.
Wala naman sang mga aktibo nga kaso kag ini ang ginalakipan naman nanday Patients #21 ;#22; #23 ;#24 ;#25 ;#26 ;#27 kag #28 nga lunsay wala nagapakita sang sintomas.
Samtang nagapabilin naman sa tatlo ang nagtaliwan bangud sa balatian nga ginalakipan sang Patients #3; #6 kag #8.
